Ikastaroa enpresaren finantza-informazioa interpretatzera bideratuta dago, haren egoera ikuspegi ekonomikotik (errentagarritasunaren analisia) eta finantzariotik (likideziaren eta kutxako fluxuaren analisia) aztertzeko. Azterketa horren osagarri, finantzaketa-premiak edo diruzaintzako soberakinak daudenean erabil daitezkeen baliabideak eta produktuak ezagutarazi nahi dira, bai eta inbertsio-proiektuak eta horiek enpresaren egitura ekonomiko-finantzarioan duten eragina aztertu eta aintzat hartu ere.

Era berean, aurrekontuak egiteak finantza-zuzendaritzaren oinarrizko tresna gisa duen garrantzia azpimarratu nahi da. Izan ere, tresna horri esker, enpresaren emaitza ekonomikoak, inbertsio berrien eragina eta sortzen diren soberakinak eta/edo likidezia-defizita nahikoa denboraz aurreikus daitezke, eta, ondorioz, astia izaten da enpresaren finantza-kudeaketa optimizatzeko tresnak bilatzeko eta finantza- erakundeekin negoziatzeko.

1 Finantza-eginkizuna enpresan
2 Oinarrizko informazio ekonomiko-finantzarioa
3 Galdu-irabazien kontua
4 Egoera-balantzea
5 Kostuen kontabilitatea. Kostuak egozteko metodoak
6 Kapital-kostua
7 Enpresaren azterketa ekonomiko-finantzarioa
8 Plangintza ekonomiko-finantzarioa

9 Aurreikusitako aurrekontuen eraketa
10 Kudeaketa-kontrola
11 Finantza-erabakiak hartzeko tresnak
12 Inbertsioak hautatzeko metodo estatikoak (Payback)
13 Inbertsioak hautatzeko metodo dinamikoak (EBG, IBT)
14 Kreditu-merkatuko produktuak eta agenteak
15 Inbertsio-produktuak eta -merkatuak